සංසුන් වන මැදක සැඟවී ගලන දොල
බිඳිමින් දිය පහර ඇදිලා වැටෙන හැඩ
යන්තම් නුඹ තෙමෙන විඳිනා අයුරු දැක
සංසුන් දිය ඇල්ල වෙනවා තවත් හැඩ
වංහුං හොයන උන් ඉඳලා කැලේ මැද
සීතල දියේ පෙඟෙනා දිය රෙද්ද ඇඟ
සංසුන් ඇල්ල ලඟ දැකලා නුඹගෙ රුව
බිඳිලද කොහේ කුමරුන්ගේ බඹර සර
කලුවර වැටීලා ගොම්මන ගෙවෙන සැනින්
සඳරැස් ගලාලා තුරුපත් අතර මැදින්
වරලස ගසාලා දිය බිඳු වැටෙන හඬින්
සිහිනය බිඳීලා අහැරුණි මමද සැනින්