Tuesday 9 June 2020

මා දුටුව දෙවඟනට...

දිගු දෑස ක්ෂිතිජයේ
පුරා එහෙ මෙහෙ දුවන
කෙහෙරැල්ල සුළං රැලි
වැදී එහි මෙහි රඟන
හසරැල්ල සදා මා
හිත පුරාවට දවන
සුර අඟන දෙව්ලොවින්
බිමට වැඩියේ මොටද
හිතේ කෙලවර තැනක
අගුළු ලා සිර කරපු
ප්‍රේමයෙන් බිඳී ගිය
හැඟුම් පොදියේ තැනක
ඉඟියකින් ස්පර්ශ
කරපු ඒ ඇසිල්ලට
සුවපත්ව ගිය අයුර
සදාකාලික වැනිය
දෙඅත් පටලා ගනිපු
ඇඟිලි තුඩු කලබල ය
දෙනෙත් හරඹය නුඹගෙ
හද පුරා විනිවිද ය
හෙටත් මට අභිමුඛව
දකින්නට හැකිවෙයි ද
සිඹින්නට බැරි නුඹගෙ
නා දල්ල වැනි දොතොල

Friday 5 June 2020

නුඹ

මගෙත් එක්කල තදින් අමනාප වෙච්ච හැටි
හදත් අරගෙන කොහෙද දුරක නුඹ ගියපු හැටි
නුඹත් එක්කම හින්ද හදට තනි නැතිව ඇති
මමත් එක්කම ඉන්න දිනෙක නුඹ එනව ඇති

ඇසක් අග තෙත් කරපු කදුල අද හිටපු හැටි
දිනක් තව ඉවසන්න තදින් මම කියපු හැටි
හිරුත් බැස රෑ වෙන්න මොහොතකුත් තවත් ඇති
අදත් ඇය එන්නේ නෑ නුඹට දැන් වැටුන හැකි

රෑ තිස්සේ කෑ ගහපු උල ලේන දන්නවැති
කොහේ හරි වැටිල හද විදවනව වෙන්න ඇති
ඇය අතරමං කරපු තැන සිහිය සුන්ව ඇති
‍කදුල හිටපන් ගෙදර හිත හොයන් යන්න යමි