ඕන නැති තැන් වලදි දලු දාන සාපයක්
ඇස් කෙවෙනි තෙත් කරන සොඳුරු එක මතකයක්
හිත අගින් සීරුවට ගලා යන කවි පෙලක්
ප්‍රේමයත් එක් වරක මහම මහ වාතයක්
පද පේලි ගලපන්න බැරි වෙච්චි එක තැනක්
නුඹේ හදවත ලඟින් ඉන්න නැහැ මට පිනක්
සිනාවක් ගෙන එන්න මගෙ ලොවට එක් වරක්
ලබාගනු බැරි නුඹේ ප්‍රේමයත් පාපයක්
හීන එකිනෙක සෙමෙන් ලං වෙද්දි මට හුඟක්
නුඹ එක්ක තැනූ ඒ මාලිගා මහ හුඟක්
හිමි නැතැයි තේරෙද්දි නුඹෙන් මට ප්‍රේමයක්
දැනෙනවා ප්‍රේමයත් මහම මහ වාතයක්