හෙටත් උදේ රන් හිරු රැස් පායද්දී
තුදුස් මසක් අප හමු වී ගත වෙද්දී
එදත් වගේ අත් පටලා ගෙන යද්දී
සදා මගෙම වෙනවද මගෙ පෙම්වන්තී
මගේ කවි...!
මටම හැඟෙන පුංචි පුංචි සිතිවිලි සමුදාය වචන වලට කැටි කරල දාන්න තියෙන තැන. අදහස් තියෙනවා නම් දාන්න මෙතැනට....
Thursday 27 June 2024
සදා මගෙම වෙනවද මගෙ පෙම්වන්තී
Wednesday 26 June 2024
හැඟීමක්....
අප පෙර හමුවී ඇති බව
නුඹ මා මා හමුවූ පසුව දැනෙන්නේ
මෙවන් වසන්තයක්, මෙවන් සෘතුවක්
ඒ දවස තිබුණා සේ
මෙය දෛවය දෝ, මෙය මාවත දෝ
දෙහදක් ඒක ලෙස යාවෙන්නේ
කුමක් කියන්නද
ඔබ මා පෙර දා හමු වී ඇති බව
නුඹ මා හමුවූ පසුව දැනෙන්නේ
Thursday 13 June 2024
එය ප්රේමයම දැයි නොදනිමි....!
මගේ සිත් සයුරට නුඹේ ඔය බැල්ම...
අයිස් කැටයක් වගේ වැටුනට...
පාවෙන්නේ දියවෙන්නේ නැතිවම...
ගිලා බැස්ස හද පතුලටම...
හෙන දාර කලු ගලක් වගේම...
ගොඩ ගන්න ඕනම වුනත්...
බැරිව ලතැවෙන්නේ...
කරුමෙට...
මට කිමිදෙන්න බැරි නිසා...
මගේම හද පතුලට...
Friday 3 May 2024
යන්න අවසර
බිඳුණු ප්රේමය නුඹගෙ මතකය
නිරන්තර මට වේදනා දෙන
හීන එක දෙක මුමුණාවි මට
නුඹ මගෙම බව සදාතනිකව
මිරිඟුවකි නුඹ නුඹම කී විට
කඳුලු නෙතු අග මිහිතලය සිඹ
තද කරන් හිත වේදනා දෙන
ඉතින් අවසරද යන්න මට දුර
ඉතින් අවසරද යන්න මට දුර
Thursday 25 April 2024
වැලලූ ආදරය
ඉඳහිට හොරෙන් මගෙ සවනට මුමුණාපූ
පෙම් කවි කොහිද මගෙ හදවත සනසාපූ
හිත්වල රැඳුනු ආදරයකි වලදාපූ
මේ ලොව විෂය අප දෙපසට ඇදදාපූ
Thursday 18 April 2024
නුඹටම.....
ඉමක් කොනක් නැති සංසාරේ
පෙර එක දිනයක අප හමු වී ඇති
කිසිවක් නොදොඩා නොම විමසා
අද අප හමු වූ ඔය නොතු මා නෙතු
පුරුදු ඇතැයි පෙර සංසාරේ
මා පමණක්ම ද දැන සිටියේ
නිසලව නිහඬව සිටි මාගේ සිත
අවදිව නුඹ ගැනමයි ඇසුවේ
මේ භවයේදිත් අහිමිව ගොස් අද
කඳුලුම පමණයි ඉතිරි කලේ
සිතින් දරාගෙන දුරින් බලාගෙන
සිටිමුත් මා සිත හැඬවූයේ
ප්රේමය දුරකය නුඹ නොදැනීමය
අවිවේකී සිත ලතැවූයේ
පෙර එක දිනයක අප හමු වී ඇති
කිසිවක් නොදොඩා නොම විමසා
අද අප හමු වූ ඔය නොතු මා නෙතු
පුරුදු ඇතැයි පෙර සංසාරේ
මා පමණක්ම ද දැන සිටියේ
නිසලව නිහඬව සිටි මාගේ සිත
අවදිව නුඹ ගැනමයි ඇසුවේ
මේ භවයේදිත් අහිමිව ගොස් අද
කඳුලුම පමණයි ඉතිරි කලේ
සිතින් දරාගෙන දුරින් බලාගෙන
සිටිමුත් මා සිත හැඬවූයේ
ප්රේමය දුරකය නුඹ නොදැනීමය
අවිවේකී සිත ලතැවූයේ
Saturday 30 March 2024
හිමි නොවන ප්රේමයක්...
නුඹේම ඇස් තාම
මගේම හිත අස්සෙ
නුඹ දන්නව මගෙ හිත ගැන
තාමත් නිහඬ උනාට
නුඹම කියද්දි නුඹේ හිත
වෙනකෙකු ලඟ බව
මම කොහොමද බිඳින්නෙ
නුඹේ පෙම
හිඳිමි නිහඬව
දුරින් හිඳගෙන
හිමිවේය පතාගෙන
හිමි නොවන ප්රේමයක්...
Subscribe to:
Posts (Atom)