සිඹිනු බැරි දෙතොල

දිගු දෑස ක්ෂිතිජයේ 

පුරා එහෙ මෙහෙ දුවන

කෙහෙරැල්ල සුළං රැලි

වැදී එහි මෙහි රඟන 

හසරැල්ල සදා මා

හිත පුරාවට දවන

සුර අඟන දෙව්ලොවින්

බිමට වැඩියේ මොටද

හිතේ කෙලවර තැනක

අගුළු ලා සිර කරපු

ප්‍රේමයෙන් බිඳී ගිය

හැඟුම් පොදියේ තැනක

ඉඟියකින් ස්පර්ශ

කරපු ඒ ඇසිල්ලට

සුවපත්ව ගිය අයුර

සදාකාලික වැනිය

දෙඅත් පටලා ගනිපු

ඇඟිලි තුඩු කලබල ය

දෙනෙත් හරඹය නුඹගෙ 

හද පුරා විනිවිද ය

හෙටත් මට අභිමුඛව

දකින්නට හැකිවෙයි ද

සිඹින්නට බැරි නුඹගෙ

නා දල්ල වැනි දොතොල