මටම හැඟෙන පුංචි පුංචි සිතිවිලි සමුදාය වචන වලට කැටි කරල දාන්න තියෙන තැන. අදහස් තියෙනවා නම් දාන්න මෙතැනට....
සඳ එලිය වසාගෙන
අඩත්තෙට්ටම් කරන
වලාකුලු දෙක තුනක්
අහස් කුස පුරාවට
කලු කබා පොරවගෙන
දෑත් අල්ලාගෙනම
සොල්දාදුවන් මෙන්
රජ කුමරියක රකින
සඳට මා නොපෙනෙන්න
වසා රැක ගන්නට
තැත් කරන අපූරුව
පෝය දා සඳ එලිය
පවුරු වලලු අතරින්
වලාකුලු රැකවලුනගෙ
කබා රැලි අතරින්
විටින් විට හෙමි හෙමින්
එබිකම් කරන හැටි
නුඹගෙ පෙම වාගේම
රත් පැහැ දෙතොල් නිල් වරලස වසන කොට
සිහිනිඟ පුලුණුකුල නටවා දුවන කොට
වටකුරු මුහුණ දිගැස් වලින් බලන කොට
වටකොට පවුරු මොකටද හිත බැඳෙන කොට
රන්කඳ කියා ඇගෙ හිත ළඟ මුමුණන්න
පින්කඳ නුඹයි මගෙ හිත මතු සනසන්න
ඉන්නද කියා ඔබෙ නලලත සිපගන්න
ඇයි අද පමා මගෙ හදවත පවසන්න
හොරැහින් එබී බැලුවම ඇගෙ සවන් යුග
පැටලී තිබුනෙ තවෙකෙකුගේ වදන් වල
වස්තුව කියා ඔහු අමතන නුවන් යුග
දුටුවම බිඳුණෙ මගෙ හදවත උපන් පෙම