අවුරුද්දට...

සාමය සතුට සපිරුණ මේ අද දවස
විලසින් හෙටත් සමරන්නට හැකි වෙන්න
කාලය ගෙවන උන්දල ටික දැන ගන්න
හෙට දුක වැඩී අද වියදම දැක්කාම

එක  දවසකට කරනව මේ ලෙසට මවා
මතු දවසකට අඬනව ඒ දෙසම බලා
හැමදාමත්ම ඉන්නට නම් සතුට වඩා
කරනට වෙනව වෙනසක් නුඹ කරපු සැමා

KG

බිඳුවක් ගත්තොතින් එය ඔසුවක් වෙනවා
වැඩියෙන් ගත්තොතින් ඔබ ඇබ්බැහි වෙනවා
මතකෙට ගන්න යැයි කෙප්පය කිය වෙනවා
නැතුවත් අපේ මතකය නම් පිර වෙනවා


කොල්ලන් කුරුට්ටන්ගේ ජීවිත වලට
පන්නන් ඇවිත් දෙන්නාවූ වද වලට
දරුවන් තොපිට ඉන්නාවූ මතු කලට
සෙල්ලන් නොවෙයි උන් ඇබ්බැහි වූ දාට

අමතක වුන කවි පොතට.....

කවි ලියන මගෙ පොත කොහේදැයි
දන්නවා නම් කියාපන්
අන්තිමට මම ලියුව කවියේ
පද අමතකයි බලාපන්
කවි ලියන මගෙ සිතේ කෙලවර
ටිකක් තද කර බලාපන්
කොහේ හරි පොඩි හිලක් තිබිලා
ඉතිරි කවියක් සොයාපන්

විභාගය අත ලඟ

 

සතියක් දෙකක් තියමින් අපෙ විභාගය
විශයක් දෙකක් ඇණ වෙනවා සත්තකය
කරුමෙක මහත මම අවසන් වසරේය
ඇණයක් තිබුනොතින් බඩගා ආ යුතුය

රිසාල්ට් දකිනවා සිහිනෙන් බයවෙනවා
ජොබ් එක දකිනවා නිතරම බොඳ වෙනවා
ඇස් දෙක රිදෙනවා පොත් පිටු දියවෙනවා
මව් සිහිවෙලා නෙතු කඳුලින් බර වෙනවා

කාලසටහනේ  හැමතැන නෙතු යනවා
සබ්ජෙක්ට් දකිනවා පාඩම සිහිවෙනවා
කළුවර වැටෙනවා මට අමතක වෙනවා
නිදිමත නිසා මම ආයෙත් නිදියනවා

කවුරුත් බයවෙලා පාඩම් කරන කොට
මගෙ හිත බයයි වගකීමක් තියෙන කොට
අවසන් කියා මගෙ හිත මම හදන කොට
ලෙක්චරයාට වඳිනෙමි අත් එකට කොට

නුඹට කැමති මම

මන්දහාස පාන නුඹේ නීල නයන දැක
කෙහෙරැල්ලක් දඟ කරමින් වදදෙන අන්දම
රෝස දෙකම්මුල් පිසිනා දෑඟිලි හින්දම
දැකගත්තා නුඹේ මුහුණෙ ඇති රූ සෝ බව

නුඹේ ගතේ දැවටී එන සිහිල් සුලං විඳ
නුඹ යනෙනා ලැසි ගමනේ හැඩවැඩ හින්දම
රඟදෙන නුඹෙ කෙස් කලඹේ තාලයටම මම
හිරිවැටුනා මගෙ හදවත නුඹෙ හින්දා අද

පන්සල පාමුල වැලි මළුවේ ඉන්නා විට
සඳ එලියේ දිලිසෙන නුඹෙ පිරිපුන් වත දැක
සිරවුන ඒ ආදර සිතිවිලි මා හද තුල
දිග හැරුනා කවි කරමින් නුඹෙ කන්පෙති ලඟ

ගීතයක් ලෙසින් දිගහරින්නට කැමතියි මේ පද පෙල. හැකියාවක් තිබේ නම් කෙනෙනෙකුට උදව්වක් දෙනවද?

නුඹට ලියන මගේ කවි....(9)

මගේ සිතුවිලි නුඹේ ලඟ ඇත
නුඹේ සිතුවම දෙස බලා
හිතේ පුරවට නුඹේ රුව ඇත
දෑස පියවෙන තුරු බලා

රජෙක් නම් නෙව බිසව වෙනවද
හුදෙක් ආදරයක් නිසා
විටක් මා ලඟ තුරුළු වෙනවද
මටම ආදර හිත නිසා

නුඹට ලියන මගේ කවි.... (8)

ලිව්ව කවියෙ පද තුනකට මුවා වෙලා මං
සද්ද නැතුව බලන් ඉන්නෙ මගෙ සඳ එනකං
ලොවේ කොතෙක් අය ඇවිදින් හිත දුන්නත් බං
මගේ සඳෙන් සිසිල දෙන්නේ මට විතරයි බං